Die Greenpoint-gemeenskap hou tans ‘n optog vir die vermiste Johlene Jobela (22) na hulle gister bymekaargekom het om na haar te soek.
Jobela is op Sondag 4 Oktober 2020 omstreeks 20:15 laas by haar ouers se huis in Greenpoint gesien. Sy het haar huis verlaat om by haar suster in Diamond Park te gaan kuier, maar sy het nie haar bestemming bereik nie.
Sy het ‘n blou-en-wit jeans met ‘n bruin trui met tekkies aangehad. Sy het ‘n pienk Adidas-rugsak gedra. Sy is lig van gelaat en medium lengte.
